ПIаьнгазахь ток йоккху станцеш яхкарна дуьхьал бу меттигера бахархой
"Кавказский узело" бинчу хаамца, ПIаьнгазан чIожехь Хадори ГЭС олу хаьлхара станци йиллира Китайн пачхьалкхан Малхбален-Сычуанан компанино 2004 шарахь. Кхин а 3 станци йилла планаш ю Гуьржийчоьнан Iедалан ПIаьнгазахь.
2005-чу шарахь Ходорерчу станцехь инцидент хиллера, меттигерчу нохчаша дакъа а лоцуш. Шайна ток оьшучу барамехь ц ало аьлла, станцино го а бина, митинг дIахIоттийра бахархоша. ГIароллехь болчара, ирх герз а детташ, совцийнера уьш.
Гуьржийчохь кхин а масех станци ю бахархой дуьхьал а болуш йилла лерина. Иштта, кхушеран Оханан-бутт болалуш Сванетехь Местиа-Чала боьду некъ къевлинера меттигерчу масийтта эвларчу бахархоша.