Нальчикехь цхьанакхетар хилла Кавказерчу муфтийн

Къилбаседа Кавказерчу муфтийн цхьанакхетар хилла Налчикерчу Ханиф Абун цIарахчу университетехь. Дакъалоцуш вара цигахь Нохчийчоьнан муфти, Кавказерчу бусулбачийн координацин Центран (КЦМСК) куьйгалхочун гIовс Межиев Салахь а.


Нохчийчоьнан Динан урхаллан пресс-гIуллакххоша даржорехь, Къилбаседа Кавказан лидерша дийцаредира кху шарахь Центран 20 шо кхачар билгалдаккхарх хIиттонболчу барамех а.


1998-чу шарахь кхоьллина ю КЦМСК. Цу Центр юкъайогIуш ю Къилбаседа Кавказера бусулбачийн динан организацеш а, ишта Краснодаран кIоштан а, Адыгейн а Динан урхалла а.