Новости за 21.08.2018

Пинчук Алина   Къайлахчу сервисо (ФСБ-но) шен шифр чухIоттийначу сим-картанаша дIалаца тарло кеста Оьрсийчуьрчу бахархойн мобилан телефонаш. Керла технологеш эца а, 260 миллион сим-карта кечдан а дезар ду зIенан операторийн и Iалашо кхочушъеш. Керла сим-картанаш юкъадаха дагадеанчара шаьш Оьрсийчоьнан бахархойн духьа хьийза боху – абонентийн телефонаш чуьра информаци "Малхбалерчу къуйшка" лечкъа ца яйтархьама. Амма эксперташ шек бу, мобилан телефонан системех шена йолу са совъяккха гIерта Iедал... Читать дальше...

Ставрополан мехкан Октябран кIоштан суьдхочуьнан дарж дита дезна нохчийн тIемалошна суьдаш йинчу Макаров Юрийн, социалан машанашкахь ша тIехь волу эвхьаза видео гучуялар бахьана долуш, яздо news-r.ru сайто. Там боцу истори хилла цуьнца Краснодаран махкарчу цхьана коча ягориг юхкучу (АЗС) станцехь. Видео тIехь гучу суртаца, цунна хьала еана кIайн бос болу джип олу машен. цу чуьра араяьлла тIехь цхьана а бедар йоцу жима зуда. Цу зудчо цхьа шиша йий эцна, ткъа цу хеннахь иза шен сматрфонца видео йоккхуш... Читать дальше...

"Со, Дудаева Табарак, еха ГIалмакхойн махкарчу Йоккха Царын юьртахь. Сайн машенчохь лоькхуш нохчийн эшарш а йолуш со туькана стенна еъна аьлла, йиттина суна шина стага", - аьлла кехат кхаьчнера Маршо Радиога. Оха къамел дира кехатан авторца а, меттигерчу полицица а, зудчунна йиттинчу гIалмакхочуьнца а. Бакъду, ца карийра я полицино а, я зудчух леттачо а хиллачун буьззина мах хадош…

Iедалшка къайлах хаамаш бечу (мотт тухучу) нахана лур долчу ахчанан барам билгалбоккхуш Оьрсийчоьнан чоьхьарчу гIуллакхийн министраллан буьйра тIечIагIдина юстицин министралло. Цунах лаьцна яздо "Коммерсантъ" газето. И документ официалан кепара арахецна дац цкъачунна.  Цу буьйранца а догIуш, зуламхо лохуш низамаш лардон органашна гIо дарна дала лерина ду 50 эзар соьманна тIера 10 миллион соьме кхччалц ахча. Айкхваьллачунна 3 миллион соьмал сов ахча даларх лаьцна сацам бийр бу чоьхьарчу гIуллакхийн министро. Читать дальше...

Оьрсийчьурчу 36% бахархошна хетарехь, шеко йоцуш нийса сацам бара 1968-чу шарахь Советан пачхьалкхо Чехословакина чу эскарш дахийтар. Иза гойтуш бу "Левада-центро" кху деношкахь бина таллам. Цу юкъахь дакъалаьцначу 45% процент нах гIорасиз хилла Советан Iедалша диначуьнан мах хадо. 2003-чу шарахь цу кепара нах бара 34%. Цуьнца цхьаьна 19% респонденташна нийса дацара аьлла хета 50 шо хьалха Кремло Чеохословаке эскарш хьажор.

Шинарин дийнахь, Марсхькху-беттан 21-чохь дуьйна ГIурбан (ал-Адхьа) денош дуьйладелла бусалбанашна. Ислам динехь уггаре дезаде (Iийд) лоруш ду Iийд ал-Адхьа. ГIурба дарца доьзна кхо де мукъа кхайкхийна ду Нохчийчохь. ГIурбан де даздеш бу эзарнаш махкал арахьа беха нохчийн махкахой а.

Бусалба умматал тIахьа ца юьсуш, шуьйрра даздо Нохчийчоьно уггаре деза Iийд - ГIурба. Хан хене мел йолу алсамбуьйлу сагIа даккха таро лоьхурш а, иза карораш а. Муха долалуш ду ГIурбан денош махкахь теллира Маршо Радион корреспонденто.

Дарбанан хIусамехь лоьраша этIийна Соьлж-ГIалахь оршотан дийнахь чов хилла полицин белхахо, хаам бо РИА Новости агенталло, меттигерчу могушаллан министраллана тIе а тевжаш. Министраллан векало бинчу хаамца, цхьана полисхочунна гIо дина лоьраша, этIа а вийна, цуьнгахь во хьал ду, амма дахарна кхерам болуш хIума дац. Дарбанан хIусамехь вуьсуш ву кхин а ши полисхо, церан хьал дIоггара вон дац.

Нохчийчоьнан куьйгалхочо Кадыров Рамзана керла машен елла, Соьлж-ГIалахь полицин белхахочунна тIе машен тоьхнарг сацо гIерташ, шен машен кIел тесначу стагана, хаам бо РИА Новости агенталло. Иза ву Гелдаганара вахархо Эстамиров Турпал-Iела. Цунна дIакхачийна керлачу Hyundai Solaris цIе йолчу машенан догIанаш. Эстамировс дийцарехь, иза Гелдаганара Соьлж-ГIала воьдуш хилла. ТIехьа хуьлург гойтучу куьзганчохь гина цунна чехка йогIучу машено полисхо тоьхна вожош. Иза сацо дагахь шен машен кIелтесна таккха Эстемировс.

Нохчийчохь полисхошна тIелатар динарш кхиазхой хилла, хаам бо ТАСС агенталло, республикан зорбанан министро Умаров Джамбулата дуьйцучунна тIе а тевжаш, яздо lenta.ru зорбанан гIирсо. "Некъан патрулан гIуллакхан белхахошна тIе машен тоьхначуьнан 17 шо хилла, уггаре жимачу зуламхочуьнан, болчу хаамашца, 11 шо хилла", - дийцина Умаровс. Нохчийчоьнан куьйгалхочуьнан пресс-секретаро Каримов Iаьлвис «Коммерсантъ FM» радион эфирехь хаам бина, Шелан кIоштахь полисхошна тIелатар дина берриг а "тIемалой", цхьана тобанера хилла аьлла. Читать дальше...

Нохчийчохь оршотан дийнахь полиcхошна тIелатар динчехь яьккхина видео арахецна Оьрсийчоьнан Талламан комитето. Цу тIехь таллам дIахьош бу цу комитетан белхахой.