ГIалгIайчохь лачкъийначу стеган дена ахча далар тIедожийна Оьрсийчоьнна
Цуьнан 22 шо долу воI Махлоев МасIуд дуьххьара лачкъийна хилла 2006-чу шарахь ГIура-баттахь. Сихха орца даьккхинчу гергарчарна 4 де даьлча карийна иза Соьлжан кIоштан полицин талламан изоляторехь.
Цигахь етташ хьийзош хилла жима стаг, цу полицин хьаькаман когаметтана Мержоев Iийсана вен дагахь тIелатар дина хилар тIелаца бохуш.
2007-чу шарахь Махлоев дIахецна, бехказа а ваьккхина. Амма цунна тIаьхьара бовлуш ца хилла Iедалхой. 2009-чу шарахь балха воьдуш герз тоьхна чов йина Махлоевна, цул тIаьхьа дарбанан хIусамера араваьлча, герзаца хиллачу наха лаьцна дIавигина вайна иза.