Айдамиров Абузар. Со хьуна йоьгIна яц...

Айдамиров Абузар




Л.П.

— Со хьуна йоьгlна яц,

Вайн кхоллам ийна бац…

— Цахиндерг къора ду,

Со цунна къера ву.


Йоьгlна хьо ца хилча,

Кхоллам цхьаъ ца хилча,

Сан гlенан гlевланга

Хьо хlунда хlуьтту?


Хlунда бу хьан ши бlаьрг,

Бlаьрхих буьззина?

Хlунда ду хьан ши куьг

Соьга схьакхевдина?


Кийрара и сан дог

Болатах дина дац.

Ахь юха lехадахь,

Ца эккхал чlогlа дац.