Пачхьалкхан балхара дIаваьлча шен долахь тIеман компани схьа а йиллина, "ЧВК Вагнера" кхоьллинчу Пригожин Евгенийна “конкуренци йан” Iалашо хиларх дIахьедина Нохчийчоьнан куьйгалхочо Кадыров Рамзана. Муьлхачу бакъонан статусехь лелар йу йуьйцу тIеман организаци, Кадыровс билгал ца даьккхина.
Оппозицин нохчийн блогер Абдурахманов Тумсо, иза волу меттиг хууш йацара лахьан-бутт бовш дуьйна, дийна ву – цунах лаьцна дIахьедина "Новая газета.Европа" хьасте бакъонашларйаран "Вайфонд" ассоциацихь. Организацихь дийцина, Абдурахмановс ша телефон туьйхира шайга, "юридикан цхьацца хеттаршна тIекхиархьама". "Тхуна хетарехь, тамаш бу цхьацца хIуманах цо комментарий йахь къайладахьа дезаш хиларна. Иза дийна ву, самукъане а ма вара. Кеста массарна а гур ву иза, суна хетарехь, иза ша вайца зIене вер ву", - тIетоьхна ассоциацин векало. Читать дальше...