სოფელ დაბასთან ლოკალიზებული ხანძრის კერები კვლავ გაძლიერდა
სოფელ დაბასთან ლოკალიზებული ხანძრის კერები კვლავ აალდა. როგორც სატყეო სააგენტოს ხელმძღვანელი თორნიკე გვაზავა აცხადებს, ცეცხლის კერები ქარმა გააძლიერა, ცოტა ხნის წინ აზერბაიჯანის მიერ გამოგზავნილი დამხმარე ვერტმფრენი შემოფრინდა ტერიტორიაზე. მისივე თქმით, ჯგუფები მთელი ღამის განმავლობაში განაგრძობენ მორიგეობას და დილის 6 საათზე კვლავ განახლდება ვერტმფრენებით ხანძრის ქრობა. ბოლო ცნობებით, დასახლებულ პუნქტებში ცეცხლის გავრცელების საფრთხე არ არსებობს.