მედიის ინფორმაციით, უკრაინის შეიარაღებულმა ძალებმა დნიპროს მიმართულებით გასროლილი ხუთივე რუსული რაკეტა ჩამოაგდეს
0
რუსულმა ძალებმა დნეპროპეტროვსკის ოლქი „გრადის“ ტიპის რაკეტებით დაბომბეს, დაშავდა ერთი ადამიანი, – ამის შესახებ დნეპროპეტროვსკის საოლქო-სამხედრო ადმინისტრაციის ხელმძღვანელი, ვალენტინ რეზნიჩენკო „ტელეგრამში“ წერს.
„ღამე ძალიან ხმაურიანი იყო. რუსებმა რეგიონს ფრთოსანი რაკეტებით, „გრადებითა“ და მძიმე არტილერიით შეუტიეს“, – წერს რეზნიჩენკო.
მისი თქმით, ოკუპანტებმა დნიპროს რაიონს ხუთი რაკეტა ესროლეს, თუმცა უკრაინელმა სამხედროებმა ხუთივე ჩამოაგდეს. რეზნიჩენკო ასევე იუწყება, რომ ოკუპანტებმა ნიკოპოლის რაიონი „გრადებითა“ და მძიმე არტილერიით დაბომბეს, თუმცა არავინ დაშავებულა ან დაღუპულა.
„თავდასხმას ნიკოპოლში ნგრევა არ მოჰყოლია. მარგანეცში კი დაზიანდა რამდენიმე სახლი, სამეურნეო შენობა, ავტომობილები და გაზსადენი”, – განაცხადა რეზნიჩენკომ.