ვოლოდიმირ ზელენსკი თეთრ სახლში მივიდა, ჯო ბაიდენთან შესახვედრად

უკრაინის პრეზიდენტი, ვოლოდიმირ ზელენსკი ვაშინგტონშია და თეთრ სახლში იმყოფება, სადაც შეხვედრას მართავს აშშ-ის პრეზიდენტთან, ჯო ბაიდენთან. ეს ზელენსკის პირველი ვიზიტია საზღვარგარეთ მას შემდეგ, რაც თებერვალში მის ქვეყანაში რუსეთი შეიჭრა.


ზელენსკი შემდეგ აშშ-ის კონგრესში გამოვა სიტყვით. 


ზელენსკის ვაშინგტონში აშშ-ის სამხედრო თვითმფრინავით ჩაფრენამდე რამდენიმე საათით ადრე, ბაიდენის ადმინისტრაციამ გამოაცხადა, რომ უკრაინას დამატებით გამოუყოფს 1.85 მილიარდი დოლარის ოდენობის სამხედრო დახმარებას, რაც მოიცავს Patriot-ის ტიპის საზენიტო-სარაკეტო სისტემასაც.