საქართველოს ჯერ არ აქვს გადაწყვეტილი, შეუწყვეტს თუ არა ავიაკომპანია "ბელავიას" ქვეყანაში ფრენის უფლებას. აშშ-სგან ავიაკომპანიის სანქცირებაზე რადიო თავისუფლების მიერ დასმულ კითხვას "სამოქალაქო ავიაციის სააგენტომ" განცხადებით უპასუხა.
"ბელავია" საქართველოს სამივე საერთაშორისო აეროპორტიდან დაფრინავს - ფრენები სრულდება როგორც თბილისის, ისე ქუთაისის და ბათუმის აეროპორტებიდან.
"სააგენტო შესაბამის სახელმწიფო უწყებებთან ერთად დეტალურად შეისწავლის ამერიკის შეერთებული შტატების სახაზინო დეპარტამენტის უცხოური აქტივების კონტროლის განყოფილების მიერ ავიაკომპანია Belavia-ს მიმართ დაწესებულ ახალ სანქციებს და მხოლოდ ამის შემდეგ მოხდება შესაბამისი რეაგირება", - წერია განცხადებაში.
მასში ასევე აღნიშნულია, რომ მწარმოებლის მიერ დაწესებული სანქციებიდან გამომდინარე, საქართველოს სამოქალაქო ავიაციის სააგენტომ მიმდინარე წლის ივნისიდან შეზღუდა ავიაკომპანია Belavia-ს საქართველოში ოპერირება Boeing-ის ტიპის თვითმფრინავებით. სააგენტო განმარტავს, რომ ეს ავიაკომპანია ახლა Embraer-ის ტიპის საჰაერო ხომალდებით ასრულებს რეისებს.
მინსკის წინააღმდეგ სანქციები გამკაცრდა ბელარუსში 2020 წლის საპრეზიდენტო არჩევნების წლისთავთან დაკავშირებით, რომლის ოფიციალური შედეგებიც აშშ-მა არ აღიარა. კენჭისყრაში გამარჯვებულად გამოცხადდა ალიაქსანდრ ლუკაშენკა, რომელიც ქვეყანას 1994 წლიდან მართავს. ბელარუსის ხელისუფლებამ ჩაახშო მასობრივი პროტესტი, რომელიც რამდენიმე თვე გაგრძელდა. საპროტესტო გამოსვლების ასობით მონაწილე ციხეში ჩასვეს, ქვეყანა დატოვა ათასობით ადამიანმა. ბელარუსის წინააღმდეგ დაწესებული სანქციები შემდგომში მას მერე გამკაცრდა, რაც ლუკაშენკას რეჟიმმა მხარი დაუჭირა უკრაინაში რუსეთის შეჭრას.
Филиал № 4 ОСФР по Москве и Московской области информирует:
С начала года более 4,7 тысячи жителей Московского региона оформили страховую пенсию в автоматическом режиме на портале госуслуг
Яндекс, А.С. Пушкин, Святой Ленин ведут следствие. Настоящая сенсация! 225 лет А.С. Пушкину.
США и Европа "подготавливают" Россию и Ближний Восток для переселений?!
Завод сухих смесей «Цементум» в Воскресенске расширил линейку продукции
Андрей Воробьев: около 110 новых магазинов «Магнит» построят в Подмосковье
Приглашенные солистки выступят в опере «Руслан и Людмила»
Бурятский Театр кукол Ульгэр в Улан-Улан-Удэ показал в Этнографическом музее народов Забайкалья перед детьми и родителями в семейный праздник сказку Колобок - Новости и Культура, Дети и Россия
Юлия Пересильд, московский Театр на Таганке, ММОМА – участники 3-его фестиваля «Территория. Красноярск» раскрывают грани современного искусства