Коронавирусқа қарсы қазақстандық вакцинаға ерікті болу талаптары айтылды
Қазақстандық QAZCOVID-IN вакцинасы қазір клиникалық зерттеулердің үшінші кезеңінен өтіп жатыр. Вакцина әзірлеудің соңғы кезеңінде адамдар ерікті бола алады, - деп хабарлайды Tengrinews.kz тілшісі.
Денсаулық сақтау министрлігі QAZCOVID-IN вакцинасын тіркеудің соңғы кезеңіне қатысуға ниет білдірген еріктілерге талаптарын айтты.
Зерттеу үш денсаулық сақтау мекемесінде өтеді:
1 клиникалық база"МИПО" жауапкершілігі шектеулі серіктестігіМекенжайы: Алматы қаласы, Торайғыров көшесі, 49/1
2 клиникалық базаАлматы қаласы Денсаулық сақтау басқармасының (ЖҚБ) № 4 қалалық емханасы Мекенжайы: Алматы қаласы, Торайғыров көшесі, 12 А
3 клиникалық базаЖамбыл облысы әкімдігі денсаулық сақтау басқармасының "Көпбейінді қалалық ауруханасы" Мекенжайы: Тараз қаласы, Әл-Фараби көшесі, 2 В үй
Денсаулық сақтау министрлігі еріктілерге қойылатын талаптарды айтты:
Субъектінің зерттеуге қатысуға қол қойған және уақыты белгіленген ақпараттандырылған келісімінің болуы.
18 жастан асқан сау ерлер мен әйелдер.
Медициналық бақылау үшін зерттеуде қарастырылған барлық сапарға ерікті бару.
Зерттеуге қатысу кезеңінде сенімді контрацепция әдістерін қолдануға ерікті ниет.
SARS-CoV-2 үшін IDM, IgG антиденелеріне теріс нәтиже.Анамнезде "COVID-19 коронавирус инфекциясы" диагнозының болмауы.
Соңғы 14 күнде SARS-CoV-2 инфекциясына күдікті адамдармен немесе COVID-19 диагнозы зертханалық расталған адамдармен тығыз байланыстың болмауы.
Кімдер ерікті бола алмайды?
Ауыр аллергологиялық анамнез, дәріге төзбеушілік, оның ішінде зерттелетін препараттың кез келген компонентіне жоғары сезімталдық, анамнезде вакциналарды енгізу кезінде елеулі жағымсыз құбылыстардың (аллергиялық реакциялар, тыныс алудың бұзылуы, ангионевроздық ісіну, іштің ауыруы) болуы.
Скрининг кезінде қызуы бар адамдар (дене температурасы ≥37,1 градус).
Адамның ауру тарихында созылмалы алкогольді теріс пайдалану және/немесе есірткіні қолданудың болуы.
SARS-CoV-2 үшін IDM, IgG антиденелеріне оң нәтиже.
Жүкті әйелдер.
Зерттеліп жатқан препаратты енгізуден 4 апта бұрын иммуносупрессивті препараттармен, оның ішінде кортикостероидтармен (2 апта) емделу.
Өкпенің, жүрек-тамыр жүйесінің, асқазан-ішек жолдарының, бауырдың, қан жүйесінің жедел немесе созылмалы клиникалық маңызды зақымдануы, тері, эндокриндік, неврологиялық және психиатриялық аурулар немесе бүйректің функционалды жағдайының бұзылуы (астма, қант диабеті, қалқанша безінің аурулары, аритмия, миокард инфарктісі, дәрі-дәрмектермен бақыланбайтын ауыр гипертензия және басқалар).
Ауру тарихында тромбоциттердің бұзылуы немесе қан ұюындағы басқа да қиындықтар.Бұл вакцинаны бұлшықетке егуге қарсы көрсетілімдерді тудыруы мүмкін.
Аққандылық.
Аутоиммунды аурулары бар адамдар.
Гийен-Барре синдромының немесе басқа нейроиммунологиялық аурудың болуы.
Дәрілік препаратты енгізуден 4 апта бұрын вирусқа қарсы препараттарды, иммуноглобулиндерді немесе қан трансфузиясы мен қандай да бір препаратты алған субъектілер;
Дәрілік препаратты енгізуден 2 күн бұрын қабынуға қарсы дәрі-дәрмек қабылдаған субъектілер;
Соңғы 6 ай ішінде қандай да бір басқа клиникалық зерттеуге қатысу.
Зерттеу талаптарын сақтамайды деген қауіп тудыратын субъектілер немесе физикалық я ақыл-ой кемістігі бар адамдар.
Зерттеуден өз еркімен бас тарту.
Тараздағы байланыс нөмірі +7 775 535 86 67 (Руслан Абитаев);Алматыда - Берік Хайруллин, ұялы телефоны +7 701 382 38 24.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!