Б.Осмонов атындагы орто мектепке компьютердик класс белекке берилди №32, 05.05.08

◄◄◄
Б.Осмонов атындагы орто мектепке
компьютердик класс белекке берилди

BITEL жана Mobi:
Жалалабаттагы жаңы кеңсе
«Sky Mobile» компаниясы Жалалабат шаарында өзүнүн Жалалабаттык бөлүмүнүн жана BITEL менен Mobi уюлдук байланышынын сатуу жана абоненттерин тейлөө боюнча жаңы ачык кеңсесинин ачылыш аземдерин өткөрдү. Эсеп боюнча, өлкөбүздө бул жогоруда аты аталган уюлдук байланыштын сатуу жана тейлөө боюнча төртүнчү ачык кеңсеси. Мындай кеңселер мурун Бишкек жана Ош шаарында кызмат көрсөтүп келген, бирок, мындай филиалдардын тармактарын кеңейтүү жана аларды калган облустардын ар биринде жана Кыргызстандын ири шаарларында ачуу — компаниянын эң жакынкы пландары.
«Жалалабатта кеңсени ачуунун башкы максаты — компаниянын өзүнүн абоненттери менен мындан да жакын болууга, алардын суроо-талаптары, каалоолорунан өз убагында маалымдар болуп турууга умтулуусу. Дал ушундай иш көрсөтүлүп жаткан сапаттуу байланыш кызматы менен айкалышта биздин BITEL жана Mobi соода маркасынын Кыргызстандын уюлдук рыногунда лидер болуусуна мүмкүндүк берди. Убагында биз алдыбызга уюлдук компаниялардан биринчи болуп өлкөбүздөгү бардык шаарлар менен райондордун борборлорун байланыш менен камсыз кылууну максат кылып койгонбуз. Бул маселе чечилди, бирок, бүгүн биздин алдыбызда башка, мындан да олуттуу маселелер жана жаңы максаттуу кадамдарды жасоо турат»,- деп билдирди ачылыш аземинде «Sky Mobile» компаниясынын генералдык мүдүрү Андрей Смелков.
BITEL жана Mobiнин Кыргызстандагы абоненттери дээрлик 1,5 миллион адам экендиги белгилүү жана алардын саны улам өсүүдө. Орусиянын көз карандысыз «Сотовик» маалымат-аналитикалык агенттигинин адистеринин берген баасына караганда, Кыргызстандагы мобилдик телефондору бар адамдардын 60 пайыздан ашыгы BITEL жана Mobiнин байланышына артыкчылык беришет.
Учурда «Sky Mobile» компаниясынын жетекчилигине жаңы адамдар келишти. Генералдык мүдүр Андрей Смелков кызматына келгенге чейин Норвегия жана Орусиянын уюлдук компанияларында узак убакыттар бою иштеген. Ал жана анын командасы BITEL жана Mobiнин лидерлигин бекемдөөдөн тышкары сапаттуу жаңы деңгээлдеги байланыш кызматын камсыз кылууну көздөөдө. Компаниянын коммерциялык дирекциясынын мүдүрлүк кызматына жакында келген Елена Чернова: «BITEL жана Mobi мындан ары да алдыга жылат жана алдына дагы эки маанилүү максатты койгон. Биринчиси — байланыштын сапатын жогорку деңгээлге көтөрүү жана андагы көрсөткүч боюнча лидерликти камсыз кылуу. Сөз дал ошол сапат, сапат жана дагы бир жолу сапат жөнүндө болууда. Бул үчүн өткөн жылдын жай айынан тарта тармактык ресурстарды терең модернизациялоо жана жаңы жабдыктарды орнотуу иштери жүргүзүлүүдө. Бүгүнкү күндө бул иш дээрлик аяктады. Биздин экинчи максатыбыз — BITEL жана Mobi байланышын Кыргызстандагы ар бир айыл өкмөтүнүн аймагына чейин жеткирүү. Башкача айтканда, BITEL жана Mobiнин абоненттерине бүт өлкө боюнча байланыша алууга кеңири мүмкүнчүлүк түзүп берүү».
Учурда BITEL жана Mobi аймактарды кучагына камтуу жаатында Кыргызстанда айныксыз лидер жана компания бул лидерликти мындан да бекемдөө чечиминде экендигин белгилөөгө болот. «Sky Mobile» компаниясында базалык станцияларынын саны эң көп: 650. Мунун ичинде 260ы өлкөнүн түштүгүндө, 260тын 94ү Жалалабат облусунда орнотулган. Абоненттер үчүн ыңгайлуулук жана комфорт жаатында кам көрүү компаниянын кыйшаюусуз биринчи милдети болуп кала берет.
Жалалабат кеңсесинин ишинин алгачкы жыйынтыгы бул облустагы уюлдук байланышты өнүктүрүү перспективасы жаатындагы эң оптималдуу болжолдоолорду тастыктады. Акыркы күндөрү мында BITEL жана Mobi байланышына кошулгусу келгендердин санынын көзгө көрүнөөрлүк өсүүсү байкалууда. Компаниянын кызматкерлери көп сандаган кардарларынын бардык суроолоруна жооп берип, бул соода маркасынын татыктуу жакшы жактарын айтуудан чарчашпайт.
Региондо «Sky Mobile» кызматынын өнүгүп жатышына Жалалабат облусунун башкармасы да кубанычтуу. «Биз Жалалабатта ушундай жакшынакай кеңсенин пайда болушун колдойбуз жана анын облус менен шаардын тургундарына кызмат кылуусунун сапатын жогорулатарына ишенебиз»,- деди Жалалабат шаарынын мэри Тилек Акамбаев. Кеңсенин ачылышында облустук мамлекеттик администрациянын башчысынын биринчи орун басары Жаныш Курбанов да жакшы тилектерин айтты.
«Sky Mobile» жетекчилиги өз кезегинде BITEL жана Mobi кызматын колдонгон бардык абоненттерге ыраазычылык билдирди. Компаниянын генералдык мүдүрү Андрей Смелков Жалалабаттын ардактуу жараны Махамадсалы Эрмаматовго уюлдук телефонду белекке берди. Өз жеринде урматка ээ болгон аксакал, эмгек сиңирген мугалим «ар дайым мобилдүү бойдон калып, байланышта болгула», — деп компанияга ыраазычылыгын билдирип кетти.
Мындан сырткары, Жалалабатта бөлүм ачуу учурунда BITEL жана Mobi уюлдук байланыш кызматы Бекмамат Осмонов атындагы орто мектепке толук жабдылган компьютердик классты белек кылды. «Sky Mobile» адистери маалыматтык технологиялар кылымында мектеп окуучуларынын терең билимдүү болушун эске алып, алардын Интернет кызматынан колдоно алуулары туурасында да кам көрүштү.
«Sky Mobile» компаниясы алдыга койгон чоң тилектеринин бардыгы орундалат деп ишенет. Албетте, компания кызматкерлери ал тилектердин орундалышы үчүн көп иштеш керек экендигин толук түшүнөт. Бул стратегияда Жалалабат облусу маанилүү орун ээлейт. Себеби, бул аймакта уюлдук байланыш жетпеген объектилер аз эмес. BITEL жана Mobi уюлдук байланышы ушул тапта Жалалабат облусунун 55 пайызын, Кыргызстандын жалпы түштүк аймактарынын 60 пайызын камтып турат. Компаниянын жетекчилеринин айтуусунда, алар Жалалабат бөлүмүнүн ишине көптөн-көп үмүт артышат жана жаңы кеңсенин эффективдүү жана үзүрлүү иштеши үчүн бардыгын жасашат.