Транспорт жана байланыш министрлиги: Ашууларда жол ачык

9-январга карата өлкөнүн бардык ашууларында жол ачык. Транспорт жана байланыш министрлигинин маалыматына ылайык, жолдорду “Кыргызавтожол-Түштүк” жана "Кыргызавтожол-Түндүк” мамлекеттик ишканалары кардан тазалап, кум-шагыл чачуу иштерин жүргүзүүдө.



Министрлик автоунаа айдоочуларын кандай кырдаал жаралбасын, каршы тилкеге чыкпай, жол эрежесин так сактоого жана тоолуу жолдорго керектүү шаймандарды ала жүрүүгө чакырууда.




Аба ырайынын кескин өзгөрүп, тоолорго калың кар түшүүсүнөн улам январдын башында Төө-Ашуу, Өтмөк, Талдык жана башка ашууларда жүк ташуучу унаалардын жүрүүсүнө убактылуу чектөө киргизилген. Аба ырайынын турукташуусунан улам чектөөлөр алынганы кабарланган.(ZKo)