Баткенде ымыркайын мечитке таштап кеткен 16 жаштагы эне кармалды
Милициянын маалыматына ылайык, ыкчам-иликтөө иш-чараларынын натыйжасында 10-январда Кадамжай районунун Орозбеков айыл аймагынын 16 жаштагы тургуну аныкталып, кармалды. Ушул тапта тергөө иштери уланууда.
3-январда Кызыл-Кыя шаарындагы “Аль-Гуфран” атындагы мечитке эртең менен азан чакыруу үчүн молдо барган учурда мечиттин ичинде ак шейшепке оролгон эркек бала табылган.
Бул факт Кызыл-Кыя шаардык ички иштер бөлүмүнүн электрондук журналына катталган. Табылган ымыркай Кызыл-Кыя шаардык биргелешкен ооруканасына жеткирилип, медицина кызматкерлеринин көзөмөлүнө алынган. Абалы туруктуу. (BTo)