Синнер Австралиянын ачык чемпионатын экинчи жолу утту

Италиялык Янник Синнер теннис боюнча Австралиянын ачык чемпионатын жеңди. Финалда ал германиялык спортчу Александр Зверевди 6-3, 7-6, 6-3 эсебинде утту. 23 жаштагы Синнер 21 беттешүүдө катары менен жыдыбай келатат. Дүйнөнүн биринчи ракеткасы Чоң шлем жарыштарын 3 жолу жеңген алгачкы италиялык болуп калды. Буга чейин 1959-60-жылдары Никола Пьетранжели Ролан Гаррос (Франциянын ачык чемпионаты) мелдештерин уткан. Бирок Италиянын өкүлдөрү былтыркыга чейин Австралиянын ачык чемпионатын уткан эмес.


Өткөн жылы Синнер Даниил Медведевди финалда жеңип алган.


Бирок италиялык теннисчинин жайдын башында Франциянын ачык чемпионатына катышуу пландары үзгүлтүккө учурашы ыктымал. Допингге каршы дүйнөлүк агенттик (WADA) анын кызытма колдонуу ишин апрелде караганы жатат.


Былтыр мартта Синнер тапшырган анализде тыюу салынган клостебол заты табылган. Кийин ал стероид спортчуга массаж жасалганда жукканы айтылган.


Профессионалдык теннис ассоциациясы (ATP) териштирүү жүргүчө ага жарыштарга катышууга уруксат берген.




 


Профессионалдык теннис ассоциациясы (ATP) териштирүү жүргүчө ага жарыштарга катышууга уруксат берген.