Бишкектеги зоопаркта өрт чыгып, жети жаныбар өлдү
Тилсиз жоонун кесепетинен зоопарктын контейнерден салынган, ичи жыгач менен капталган 10 чарчы метр жасалгасы күйгөн. Натыйжада 7 жаныбар (6 маймыл, 1 кенгуру) өлдү.
Өрттүн себептери такталууда. ӨКМдин кызматкерлери кырсыктын кесепеттерин жоюу жана анын себебин аныктоо боюнча жеринде иш алып барууда.
Министрликтин ыкчам маалыматына ылайык, соңку суткада Кыргызстандын аймагында 11 өрт кырсыгы катталып, өрттү өчүрүүгө 16 күжүрмөн эсеп тартылган.
Бишкектеги реабилитациялык зоопарктын уюшулганына он жылча убакыт болду. 2022-жылкы маалыматтарга ылайык, анда жаныбарлардын 30дан ашык түрү багылчу. (ErN)