АКШда мыйзамсыз миграцияга каршы рейддер уланып, мигранттарды кармоолор жана депортациялоо күн сайын жүрүүдө. Мындан улам бул өлкөдө жашаган кыргызстандыктар да чочулап, жумушка убактылуу чыкпай койгондор болууда. Анткен менен АКШ бийлиги белгилеген “мыйзамсыз мигранттар” критерийине кыргызстандыктар туш келбей турганын, буга көбүнчө латынамерикалыктар илинерин айткандар бар. Кыргызстандын АКШдагы элчилиги мекендештерди керектүү документтерин жанына ала жүрүүгө чакырды.
