Ысык-Көлдүн Жети-Өгүз капчыгайынын боорунда жайгашкан чакан айылды жергиликтүүлөр “Жети-Өгүз курорту” деп аташат. Бул конушта 300дөн ашык киши жашайт. Айыл өткөн кылымдын 40-жылдарында түптөлүп, тургундардын көпчүлүгү орус улутундагылар болгон. Бирок эгемендик жылдарында алар айылдан көчүп кетишкен. Азыр кыштакта туруктуу жашаган төрт гана орус үй-бүлө бар. “Данисте” бул жолу тоо боорундагы айылды байырлаган орустардын турмушу тууралуу айтып берет.
