Кыргызстанда MCN coin аттуу күмөндүү криптовалютанын түрүн жарнамалоо күчөдү. Жарнама кылгандар бул ири киреше булагы экенин айтып, аны сатып алгандарды кыска убакытта миллионер кылууга убада кылууда. Адистер болсо аталган нерсе ачыктан-ачык "каржы пирамидасы" экенин эскертип, андан оолак болууга чакырууда. Ал эми Финансы рыногун жөнгө салуу жана көзөмөлдөө кызматы MCN coin атайын уруксат кагазын албаганын айтып, ишмердүүлүгүн укук коргоо органдары текшерип жатканын маалымдады.
