Бастрыкин Орусияда мигранттар боюнча сотко өткөн иштер көбөйгөнүн айтты
Бастрыкин сотко өткөн ар бир үчүнчү иш адам өлтүрүүгө байланыштуу экенин айтты. Ал ошондой эле 2024-жылы мигранттар террордук мүнөздөгү 253 кылмышка барганын кошумчалады.
Тергөө комитетинин башчысы чет өлкөлүктөрдүн жашы жете электерге карата 1500дөй кылмыш ишинин бети ачылганын билдирди. Ал кылмыш жасаган мигранттардын көбү Орусияда мыйзамсыз жана миграциялык мыйзамдарды бузуу менен жүргөнүн белгиледи.
"Мемориал" укук коргоо борбору Бастрыкин көп учурда реалдуу статистикага таянбай турганын эске салды.
Былтыр дагы Тергөө комитетинин башчысы мигранттар арасында зордук-зомбулук, экономикалык багыттагы кылмыш жасагандар көбөйгөнүн жарыялаган.
Ички иштер министри Владимир Колокольцев мигранттар арасында олуттуу кылмыштарга баргандардын саны боюнча өзгөрүү жок экенин белгилеген.