Жалал-Абад шаарында 33 жаштагы тургун аялын өлтүрүүгө шек саналып кармалды. Маалыматты шаардык милиция ырастады. Быйыл 8-январда милицияга облустук ооруканадан билдирүү түшүп, Таш-Булак айылынын 29 жаштагы тургуну үйүндө каза болуп калганын кабарлаган. Бул факты каттоого алынып, соттук-медициналык экспертиза дайындалган. 6-февралда маркум келиндин жакындары адилеттик издеп милициянын алдына келишкен эле.
