Мюнхенде ашынган оңчулдарга каршы 250 миңдей адам катышкан акция өттү
Демонстрация парламенттик шайлоого туура эки апта калганда уюштурулду. Каршы болгондор аталган партия маарага экинчи болуп келип, башкаруучу коалиция кошулушу ыктымал деп чочулап жатат.
Былтыр ноябрда башкаруучу коалиция ыдыраган жана көп өтпөй парламентте немис канцлери Олаф Шольцко ишеним көрсөтүлгөн эмес. Шольц анда коалицияны ыдыратканы үчүн “Эркин демократиялык партияны” айыптаган.
Ноябрда немис канцлери аталган партиянын лидери Кристиан Линднерди бюджет талаштан улам финансы министри кызматынан алган.
Сурамжылоолорго караганда, шайлоо өнөктүгүндө Христиан-демократиялык союзу менен Христиан социалдык союзунун консервативдүү блогу (ХДС/ХСС) алдыда баратат.
Экинчи орунда оңчул популисттердин “Германия үчүн альтернатива” тобу турат. Бирок алар менен коалиция түзүүнү башка саясий күчтөр көп каалабайт.
Шольцтун Социал-демократтар партиясы андан кийинки сапка жайгашкан жана анын коалициядагы өнөктөшү – “Жашылдар” партиясы төртүнчү орунда.