YouTube дүйнөлүк видеоплатформасы 20 жылдыгын белгиледи
PayPal платформасында иштеген кесиптештер Стив Чен, Чад Херли жана Жавед Карим демилгелеген Youtube.com сайты 2005-жылы 14-февралда ишке кирген. Сайтка алгачкы кыска роликти 23-апрелде Жавед Карим Сан-Диегодогу зоопарктан "Мен зоопарктамын" деп атап, жүктөгөн.
2006-жылы сайтты Google компаниясы 1,65 миллиард долларга баалап сатып алган.
Ошондон кийин платформага жайгаштырылган жарнамадан акча төлөө иштей баштаган, бул дүйнө жүзүндөгү аудитория издеген видеооператор, редактор, реклама түзүүчү, реклама берүүчүлөрдүн башын бириктирген.
YouTube бүгүнкү күнү дүйнөдөгү эң чоң видео платформалардын бири, ал колдонуучуларга видео жүктөө, көрүү, бөлүшүү жана комментарий жазуу мүмкүнчүлүгүн берет. YouTube Google корпорациясынын энчиси катары иштейт жана дүйнө жүзүндөгү миллиарддаган колдонуучулар үчүн негизги акысыз видео платформа болуп саналат. Ал билим алуу, көңүл ачуу жана бизнес жүргүзүү үчүн натыйжалуу куралдардын бири.