Кыймылсыз мүлктү кайра каттоодо салык карызы боюнча маалымкат "Кадастрдан" автоматтык түрдө берилет
“Мындан ары салык карызы бар же жок экени тууралуу маалымат автоматтык түрдө "Кадастрда" жеткиликтүү болот. Карыз болгон учурда, кыймылсыз мүлктү сатуучулар анын суммасы жана онлайн төлөө мүмкүнчүгү жөнүндө дароо маалымат алышат. Карызды төлөгөндөн кийин, бүтүмдү дароо тариздөөгө болот”, - деп жазылган маалыматта.
Мындай чечим коррупциялык тобокелдикти жана бюрократиялык көрүнүштөрдү азайта турганы белгиленген.
Учурда кыймылсыз мүлктү кайра каттоо учурунда анын салыктык карызы жоктугун далилдеген маалымкат талап кылынат.
Президент Садыр Жапаров былтыр жыл соңунда Салык кызматынын ошол кезде жаңы дайындалган жетекчиси Алмамбет Шыкмаматовго салыктык талаптарды жөнөкөйлөштүрүү талабы коюлганын билдирген.