Маданият министри Максүтовдун ордуна Мирбек Мамбеталиев убактылуу дайындалды
44 жаштагы Мамбеталиев буга чейин президенттин жана өкмөттүн иш башкармалыгынын башчысынын биринчи орун басарынын кызматын аркалаган.
Жапаровдун ушул эле жарлыгына ылайык маданият, маалымат, жаштар саясаты жана спорт министри Алтынбек Максүтов ээлеген кызматынан бошотулду.
53 жаштагы Максүтов 2022-жылдын 3-октябрында министр болуп дайындалган. Ал 2014-2016-жылдары да бул кызматты аркалаган.
Максүтов Токтогул Сатылганов атындагы улуттук филармониянын көркөм жетекчиси болгон. Ал коомчулукка эл аралык “Кийиз дүйнө” фестивалынын, “Макал Арт” чыгармачыл тобунун уюштуруучусу жана “Көчмөндөр оюнунун” башкы режиссеру катары белгилүү. (AiA)