Ош шаарында ондон ашык көчөдө миңге чукул ар кандай курулуштар алынганы белгилүү болду. Алардын арасында турак жайдан тарта, соода күркөлөрү, дүкөндөр, ашкана, кафелер бар. Калаа жетекчилиги кызыл сызыкка чыгып кеткен мыйзамсыз курулуштар алынып жатканын жүйө келтирүүдө. Ошол эле маалда алардын айырымдарынын ээлери колунда тиешелүү документи бар экенин айтып, кенемте талап кылууда.
