Молдованын президенти орус элчисинин ишеним грамотасын бир нече айдан бери кабыл албай жатат
Өткөн айда Санду орусиялык расмий адамдардын «сыйлабаган билдирүүлөрүнөн» улам ишеним грамотасын кабыл ала электигин билдирген.
«Москвадагы расмий өкүлдөр Молдова тууралуу мындай урмат-сыйга жатпаган билдирүүлөрдү жасаган маалда Орусиянын өкүлүн чакырууга болбойт», - деп айткан президент.
Молдованын Тышкы иштер министри Михай Попшой 21-февралда Би-Би-Сиге берген интервьюда президенттин айтканын кайталады.
Ал эми Санду администрациясы элчини качан кабыл аларын кийинчирек чечерин билдирди.
Озеров Молдовада өткөн октябрдан бери жүрөт. Ишеним грамоталары тапшырылгыча дипломатиялык өкүл кызматтарына расмий кирише албайт.