Кыргызстанда 9-мартта эки ирет жер силкинди

Өзгөчө кырдаалдар министрлиги Сейсмология институтунун маалыматына таянып, 9-мартта Кыргызстанда эки ирет күчү 3,5 баллга жеткен жер титирөө катталганны билдирди.


Ага ылайык, алгачкы силкинүү саат 5:21де болуп, Ысык-Көл облусунун Ак-Суу районундагы Кайырма-Арык, Ичке-Жергез, Кереге-Таш айылдарында 3,5 баллга, Боз-Учук айылында 3 баллга, Каракол шаарында 2,5 баллга чейин сезилген.


Ал эми саат 05:26да Жалал-Абад облусунда катталып, Сузак районундагы Канжыга, Тараалча айылдарында 2,5 баллга чейин байкалган.


Жер титирөөдөн жабыркагандар жана кыйроолор катталган жок.