Кыргызстанда 20дан ашык саясатчы, активист жана укук коргоочулар айыпталган өлкөнүн тарыхындагы дагы бир чуулуу иш боюнча сот өкүмү чыкты. 27-мартта Бишкек шаардык соту Кемпир-Абад иши боюнча айып тагылгандарды актоо тууралуу райондук соттун өкүмүн күчүндө калтырды. Шаардык сотто иш дээрлик эки жылга жакын каралды. Айып коюлган саясатчылар кылмыш ишин саясий буйрук деп баалап келишет.
