АКШнын президенти Дональд Трамп Ирандын мунайын көзөмөлгө алууну каалаганын айтып, Харк аралын басып алуу ыктымалдыгын жокко чыгарган жок. Ошол эле маалда Тегеран менен сүйлөшүүлөр уланып жатканын, тынчтык келишими жакын арада даяр болот деп ишенерин билдирди. Ал арада бир катар медиа Пентагон Иранда жердеги операциясына даярданып жатат деп жазышты. Ак үй бул маалыматты ырастап же четке каккан жок. Ислам жумуриятынын расмий өкүлдөрү жердеги операциясы башталса, чечкиндүү чара көрүлөрүн эскертишти.
