Все новости

АКШ президенти Дональд Трамп Иранды "мүмкүн болушунча" жазалоону улантууга убада берип, Ислам республикасына каршы согуш төрт аптага созулушу мүмкүн экенин айтты. Ошол эле маалда ал Тегеранда аман калган башкаруучулар менен мындан аркы сүйлөшүү үчүн каалганы жапкан жок. "Акыркы 36 саат ичинде Америка Кошмо Штаттары жана анын өнөктөштөрү "Эпикалык каардануу" (Operation Epic Fury) операциясын баштады, бул - дүйнөдөгү эң ири, эң татаал, кубаттуу аскерий чабуулдардын бири", - деди Трамп 1-мартта өзүнүн... Читать дальше...

Жогорку Кеңештин депутаты Болот Сагынаев быйыл жайында Ысык-Көлдө өтө турган эл аралык "Көлфест" фестивалын өткөрүүгө тыюу салууну сунуштады. Бул тууралуу эл өкүлү парламенттин Илим, билим берүү, инновациялык өнүгүү жана маалыматтык технологиялар, маданият комитетинин 2-марттагы жыйынында билдирди. Сагынаев аталган иш-чара "кыргыздын улуттук баалуулуктарына туура келбейт" деген негизде ага жол бербөө боюнча ИИМден жана Маданият министрлигине кайрылды. "Бир нече жыл мурда биздин биздин каада-салтыбызга... Читать дальше...

Дүйнөлүк медиа Ирандын жогорку лидери, аятолла Али Хаменеинин өлтүрүлүшү боюнча операциянын айрым деталдарын өз булактарына таянып жазууда. Сокку түн ортосунда эмес, эртең менен болгон.

Бириккен Улуттар Уюмунун Адам укуктары боюнча комитети Temirov Livе долбоорунун негиздөөчүсү, Кыргызстандын соту ишмердигин экстремисттик деп тапкан иликтөөчү-журналист Болот Темировдун арызын кабыл алып, ишин карай турган болду. Бул тууралуу журналист өзү Фейсбуктагы баракчасына жазды. “Арызды катташты жана биздин бийликке тиешелүү суроолорду жөнөтүштү. Мамлекеттик кызматкерлерден жооп алуунун акыркы мөөнөтү 2026-жылдын 26-августу”, - деп жазды Темиров. 2024-жылдын октябрында Болот Темировго укуктук... Читать дальше...

Жаратылыш ресурстары, экология жана техникалык көзөмөл министрлиги айлана-чөйрөгө жана жер казынасына олуттуу же ири зыян келтиргендерге жоопкерчиликти күчөтүүнү сунуштоодо. Буга байланыштуу "Кылмыш-жаза кодексине", "Ишкердиктин субъекттерине текшерүүлөрдү жүргүзүү тартиби жөнүндө" мыйзамга өзгөртүүлөрдү киргизүү долбоору коомдук талкууга чыгарылды. "Сунушталып жаткан толуктоолордун негизги максаты – жер казынасын пайдалануу укугуна лицензиялык макулдашуулардын шарттарын атайылап же этиятсыздыктан бузган... Читать дальше...

Кеминден Бишкекке келаткан жолдо эки кишинин өмүрүн алган жол кырсыгы катталды. Бул тууралуу Чүй облустук милициясынын жол коопсуздугун камсыздоо башкармалыгы билдирди. Маалыматта, кырсык 1-мартта саат 16:30 чамасында болгон. Бишкекти карай келаткан Hyundai Sonata унаасы бир машинени озуп өтүп, каршы тилкеде келаткан Audi C4 унаасы менен кагылышкан. Audi C4тө бараткан 68 жаштагы жүргүнчү окуя болгон жерден жан берген. Автоунаанын айдоочусу 75 жаштагы жаран аймактык ооруканага жетпей жолдон каза болгон. Читать дальше...

Кыргызстан мусулмандарынын дин башкармалыгы умра сапарына барган ар бир жарандын төлөмүнөн 9% комиссия кармала баштаганын билдирди. Бул тууралуу муфтий Абдулазиз Закиров 27-февралда жарыялаган кайрылуусунда айтылат. Мындай чара имамдардын маянасын туруктуу берип туруу үчүн кабыл алынганы белгиленген. “Бул үчүн тиешелүү органдардан уруксат алынган, мыйзамга шайкеш келтирилген. Умра зыяратына аттанган жарандардан алынуучу каражат түздөн түз имамдардын айлыгына которулат. Ушул берекелүү Рамазан айынан... Читать дальше...

Ысык-Көл облусунун Балыкчы ИИБнын мурдагы башчысы Чыңгыз Төкөлдөшев 15-апрелге чейин убактылуу кармоочу жайга (СИЗО-1) киргизилди. Бул маалыматты Бишкектин Биринчи Май райондук сотунун басма сөз кызматы ырастады. Төкөлдөшев коррупцияга шектелүүдө. 27-февралда Улуттук коопсуздук боюнча мамлекеттик комитети (УКМК) Бишкек шаардык башкармалыгынын мурдагы жетекчиси Элдар Жакыпбековго козголгон кылмыш ишин иликтөө алкагында жалпы беш адам камакка алынганын билдирген. Аскер прокуратурасы аларга Кылмыш-жаза... Читать дальше...

АКШнын президенти Дональд Трамп атайын билдирүү жасап, Иранга каршы операция башталганын билдирди. Мунун алдында Израилдин коргоо министри Исраэл Кац Иранга өлкөгө болгон коркунучту алдын алуу үчүн озунуп сокку урулганын билдирген. Ирандагы IRNA маалымат агенттиги Тегерандын борборунда жарылуулар болуп, коюу түтүн каптап жатканын маалымдады.

Иранда жекшемби күнү таңга маал мамлекеттик жалпыга маалымдоо каражаттары (ЖМК) өлкөнүн Жогорку руханий лидери аятолла Али Хаменеи өлтүрүлгөнүн жазып чыгышты. Мунун алдында, 28-февралда АКШнын президенти Дональд Трамп өзүнүн Truth Social соцтармагы аркылуу Хаменеи америка-израил биргелешкен операциясы маалында жок кылынганын маалымдаган. Ишембиде Али Хаменеинин жардамчысы Али Ларижани Х соцтармагындагы баракчасына өч алуу болорун билдирген жана бул аятолла жантаслим болгону кыйыр түрдө аныкталганы катары кабыл алынган. Читать дальше...

Ош шаарынын Алишер Навои көчөсү 2025-жылы кеңейтилип, 60дан ашуун үй бузулган. Алардын ичинен жети үй-бүлөгө гана убада кылынган үй берилген. Калган тургундар кенемте ала электигине тынчсызданып, “Азаттыкка” кайрылды.

Ирандык маалымат каражаттары мурдагы президент Махмуд Ахмадинежаддын каза болгону тууралуу маалыматты төгүндөштү. 1-мартта ILNA агенттиги Ирандын алтынчы президенти АКШ менен Израилдин Тегеранга жасаган биргелешкен соккусунун натыйжасында набыт болгонун жазып чыккан. Кийинчерээк бул кабар сайтынан өчүрүлгөн. Агенттиктин билдирүүсүндө Ахмадинежад бутага алынган Нармак районундагы резиденциясында болгону айтылган. Иран бийлиги маалыматты расмий ырастаган жок. Ахмадинежад 2005-2013-жылдары Ирандын президенти болгон. Читать дальше...

Тышкы иштер министрлиги Бириккен Араб Эмираттарында жүргөн кыргызстандыктарга коопсуздук чараларын күчөтүп, соңку окуялар боюнча жергиликтүү бийликтин расмий билдирүүлөрүнө жана такталган маалыматтарга гана ишенүүгө чакырды. Мекеменин мындай билдирүүсү 2-мартта жарыяланды. Анда министрлик БАЭнин тиешелүү мекемелери ал жакта жүргөн жарандарды мейманканаларда акы төлөбөстөн убактылуу жашап туруу чечими кабыл алынганын жана аба каттамдары жылдырылып же жокко чыгарылганына байланыштуу мейманканалар туристтерди чыгарбоо милдетин алганын маалымдады. Читать дальше...

АКШ–Израил соккуларынын натыйжасында Ирандын жогорку руханий лидери, аятолла Али Хаменеи каза болду. Анын өлүмүнө байланыштуу Иранда жана коңшу өлкөлөрдө расмий аза күтүү жана нааразылык акциялары өтүп жаткан маалда, анын бул дүйнөдөн өткөнү тууралуу кабарды кубаттап, коштогондор да көп болду.