Новости за 27.08.2019

Рускиот претседател Владимир Путин денеска во близина на Москва ќе разговара со турскиот претседател Реџеп Таип Ердоган за граѓанската војна во Сирија и натамошниот развој на руско турската соработка, соопшти Кремљ. Посетата на Ердоган доаѓа во време кога сириските владини сили вршат воздушни напади врз провинцијата Идлиб која е под контрола на бунтовниците и каде што Москва и Анкара имаат воспоставено демилитаризирана зона. Ердоган вчера изјави дека турските копнени сили наскоро би можело да влезат во Сирија.

Грчката полиција соопшти дека шестмина мигранти загинале, а десетина други биле повредени кога џипот со кој се превезувале на северот на земјата се превртел во канал за наводнување. Несреќата се случила во близина на градот Александропулос кај грчката граница, а во џипот се наоѓале 16 мажи од Пакистан и Египет и двајца криумчари, Бугарин и Алжирец.

Собранието ја изгласа потребата од носење на закон за Јавно обвинителство по скратена постапка, со кое ќе се реши статусот на СЈО. Расправата продолжува во собраниските комисии, за каде опозицијата најави амандмани на предлог-законот.

Советот на јавни обвинители денеска ќе одржи седница на која се очекува да ја започне постапката за разрешување на Катица Јанева. Поради тајноста на истражната постапка за случајот „Рекет“ која е се уште во тек, седницата на Советот ќе биде затворена за јавноста. Пред почетокот на седницата Советот очекува да ги добие сите неопходни документи за предметот и да донесе одлука дали ќе ја отпочне постапка за разрешување на Катица Јанева преку Собранието или ќе назначи в.д. специјален обвинител од редовите на СЈО.

Во тек е подготовка на Закон за донирање на вишок на храна, во услови кога се проценува дека околу 460 илјади граѓани живеат под прагот на сиромаштија и не можат да обезбедат три оброци дневно, а Македонија е на врвот по фрлање на храна. Законот за првпат ќе ги дефинира правилата за донирањето.

Бразил ја отфрли помошта од Групата седум индустриски најразвиени земји во светот за борба против шумските пожари во Амазон, порачувајќи му на францускиот претседател Емануел Макрон „да си се грижи за неговиот дом и неговите колонии“.

Бразил ја отфрли помошта од Групата седум индустриски најразвиени земји во светот за борба против шумските пожари во Амазон, порачувајќи му на францускиот претседател Емануел Макрон „да си се грижи за неговиот дом и неговите колонии“. „Ја цениме понудата, но можеби тие средства се поптребни за пошумување на Европа“, изјави Оникс Лоренцони, шеф на кабинетот на претседателот Жаир Болсонаро. Претходно Г7 вети помош од 20 милиони долари за справување со пожарите во Амазон.

Законот за Јавното обвинителство денеска влегува во собраниска процедура. Бидејќи се работи за закон со европско знаменце и скратена постапка тој треба да биде донесен до средината на септември. За да се постигне тоа е неопходен договор меѓу власта и опозицијата на нивните работни средби за законот за јавно обвинителство. Досега, како што беше соопштено по вчерашните разговори, била постигната согласност дека Катица Јанева повеќе не е предмет на дискусија дали да биде префрлена во новопланираното... Читать дальше...

Предпладне ќе биде сончево и топло со мала до умерена облачност, а попладне наместа ќе биде нестабилно со локален пороен дожд, грмежи и засилен ветер. Утринската температура ќе биде од 11 до 21, а дневната од 29 до 36 степени. Во Скопје и околината слично време. Утринската температура ќе биде околу 19, а дневната ќе достигне до 35 степени.