Новости за 03.02.2020

Турската војска уби триесетина сириски војници во возвратен напад откако четворица нејзини војници загинаа на позиции на северозападот на Сирија. Претседателот на Турција Реџеп Таип Ердоган денеска рече дека воената операција е во тек и дека според нивните првични информации 30 до 35 сириски војници загинале во нападот. Сириската опсерваторија за човекови права со седиште во Британија, пак, соопшти дека шест сириски војници загинале. „Одговоривме соодветно на тие напади и ќе продолжиме…Одлучни... Читать дальше...

Нова средба во поширок формат ќе се одржи денеска за надминување на разликите околу законот за Јавно обвинителство. Според најавите, првин ќе се одржат поединечни средби, а по нив и заедничка средба на работната група составена од претставници на парламенарните партии и експерти, во обид да се усогласи верзија на предлог-закон, која подоцна ќе се поднесе во Собранието. По средбата на работната група во петокот завчера некои пратенички групи доставиле амандмани за законот за јавно обвинителство... Читать дальше...

Францускиот претседател Емануел Макрон ќе престојува во својата прва посета на Полска на 3 и 4 февруари. Двете земји не се согласуваат за неколку прашања, вклучително и владеењето на правото и заштитата на климата. Макрон во Варшава ќе разговара со неговиот колега Анджеј Дуда и со премиерот Матеуш Моравиецки.

Лондонската полиција соопшти дека нејзини припадници убиле човек кој со нож ранил две лице во едно предградие на Лондон во инцидент означен како напад поврзан со тероризам. Се наведува дека напаѓачот имал во себе имитација на експлозивна направа кога полицајците го убиле. Полицијата не соопшти детали.

Европската народна партија денеска и утре во Брисел ќе разгледува дали да биде продолжена суспензијата на унгарската владејачка партија Фидес. Одлука дали да продолжи суспензијата се очекува на политичкото собрание на конзервативците кога нивниот претседател Доналд Туск и лидерите на партиите ќе се соберат во Брисел. Сепак, сè уште не е јасно дали ќе има и гласање во врска со ова. Во март лани Фидес беше суспендирана поради загриженоста за владеењето на правото во Унгарија и анти-бриселската реторика.

Кинеските власти соопштија дека болницата со 1.000 кревети е комплетирана за третирање на жртвите на новиот, смртоносен коронавирус. Во меѓувреме бројот на починатите е 362, додека 17.000 луѓе во Кина и во светот се заразени. Специјализираната болница во Вухан е изградена за 10 дена, додека уште една болница со 1.500 кревети е во изградба. Градот е под блокада со затворени патишта и јавен сообраќај. Прв смртен случај од коронавирусот надвор од Кина бил забележан на Филипините.

Претседателството на косовското Собрание за денеска закажа пленарна седница на која ќе се гласа за составот на новата Влада на Косово. Собраниската седница е свикана на барање на мандатарот за состав на новата влада, лидерот на партијата победничка на октомвриските избори, движењето Самоопределување на Албин Курти. Курти побара одржување на пленарна седница, на која ќе го предложи составот на неговиот кабинет. Приштинеските медиуми ги објавија имињата на 15 министри. Шеф на дипломатијата ќе биде Глаук Коњуфца... Читать дальше...

„Љубовта не учи ништо од историјата“, вели една од копродуцентките на првиот албанско руски филм под името „Ѓирокастро“. Станува збор за историска драма за еден мешан брачен пар од времето кога двете тогаш комунистички земји ги прекинаа односите.

Ќе биде сончево со мала до умерена облачност и со слаб до умерен ветер од југозападен правец. Утринската температура ќе биде од минус три до четири, а дневната 13 до 18 степени. Во Скопје и околината слично време. Утринската температура ќе биде околу еден, а дневната ќе достигне до 15 степени.