Вкупно 39 години затвор добија осудените шестмина за автобуската несреќа која пред речиси пет години се случи близу селото Ласкарци, а во која загинаа 16 луѓе и над 30 беа повредени. Најблага казна, 4 години затвор, доби газдата на фирмата „Дурмо Турс“ Дурмиш Белули. Роднините на загинатите разочарани.
Државен советник во Министерство за култура и поранешен пратеник на ДУИ, вработени во Министерството што го раководи Артан Груби, поранешен член на ДИК, вработена во општина Струга, но и советничка за протокол во владата. Овие се дел од луѓето кои добиле државни пари за невладини организации во кои се основачи, открива Слободна Европа. Во огласот за финансиска помош за невладините избришан е членот од Законот за спречување корупција со кој се забранува корисници да бидат избрани или именувани лица.
Правдата и вистината да бидат задоволени, очекуваат од денешната пресуда роднините на загинатите во автобуската несреќа кај Ласкарци, при која загинаа 16 луѓе. Но, селективната правда им отвара сомнеж дека нема да ја дочекаат правдата, па макар и задоцнета.