Приведени две лица за напад врз девојка во Штип

Полицијата во Штип соопшти дека се приведени двете лица кои се осомничени дека претепале 21-годишна девојка во влез на станбена зграда, при што целиот случај го снимиле на мобилен, а видеото се најде на социјалните мрежи. Портпаролката на полицијата во градот, Гордана Панајотова изјави дека се работи за лица на возраст од 23 и 26 години и дека се преземаат мерки за расчистување на случјот со кој се запознаени и Основното јавно обвинителство и Центарот за социјални работи.

Од штипското јавно обвинителство соопштија дека дале насоки и чекаат да заврши постапката околу собирањето на доказите за случајот, а треба да се утврдат и повредите на девојката, по што ќе бидат преземени и други дејства.