Со пари од ЕУ ќе се градат и реконструираат 22 училишта во Албанија

Европска унија и одобри фонд од 15 милиони евра за изградба и реконструкција на училишта урнати или оштетени од земјотресот што Албанија ја погоди на 26 ноември минатата година.

Еден ден откако ЕУ одобри фонд во износ од 115 милиони евра за обнова на Албанија, канцеларијата на ЕУ во Тирана и албанската Влада ја потпишаа програмата „ЕУ за училиштата“ со фонд од 15 милиони евра, што ќе биде наменет за обнова на 22 училишта, каде настава следат околу 7.500 ученици.

Албанија собра над милијарда евра на донаторската конференција

Со овие пари ќе се градат и санираат училишта во пет области, кои беа најпогодени од земјотресот, а реализацијата на проектот ќе го набљудува канцеларијата на ЕУ во Тирана. Во земјотрес загинаа 51 лице, а материјалната штета се проценува на повеќе од една милијарда евра.