Велика Британија подготвена да го ревидира законодавството за Брегзит

Британската влада денеска соопшти дека е подготвена да ги повлече клаузулите во законодавството за Брегзит, кои предизвикаа правни активности од ЕУ во разговорите за идниот трговски договор.

Паралелно со трговските разговори, високиот министер Мајкл Гоув и потпретседателот на Европската комисија, Марош Сефчовиќ се состанаа „конструктивно“ за спроведување на постојниот договор за Брегзит меѓу Велика Британија и ЕУ, соопшти владата на Велика Британија.

„Дискусиите продолжуваат да напредуваат и се очекуваат конечни одлуки во наредните денови“, се вели во соопштението.

Предлог-законот предизвика судски процес во ЕУ, бидејќи клаузулите го лишуваат Брисел од право за идните трговски аранжмани меѓу Северна Ирска и Ирска, членка на ЕУ.

Предлог-законот требаше да се врати на дебата во Долниот дом на британскиот парламент денеска, откако горниот дом на лордовите со огромно мнозинство гласаше минатиот месец за да се издвојат прекршочните клаузули, со образложение дека тие го прекршуваат меѓународното право.

Владата, исто така, планираше  да воведе уште еден нацрт-закон за кршење на договорите, за да му се одземе на Брисел  секој надзор над стока која е „изложена на ризик“ да влезе во нејзиниот единствен пазар преку Северна Ирска од континентална Британија.

Но, се наведува  дека заедничкиот комитет со кој претседавале Гоув и Сефчовиќ напредувал „добро“ и на тој фронт.

„Во светло на тие дискусии, владата ќе ја разгледува содржината на претстојниот Предлог-закон за оданочување“, се вели во соопштението.

Одредбите и во законите за Велика Британија треба да стапат на сила од 1 јануари, откако Велика Британија ќе го напушти периодот на транзиција по Брегзит.

Владата вели дека тие обезбедуваат „правна безбедносна мрежа“ за регулирање на внатрешниот пазар на Обединетото Кралство и зачувување на стабилноста во  Северна Ирска.