Рот: Бугарската блокада е „сериозна политичка грешка“

Бугарската блокада е „сериозна политичка грешка“, порача претседавачот Михаил Рот пред почетокот на денешниот министерски состанок во Брисел, на кој требаше да се даде зелено светло за преговарачката рамка со Северна Македонија.

„За жал не успеавме да постигнеме напредок за прашање кое е веќе договорено, а сето тоа поради билатерални барања на една земја членка, изјави германскиот министер за европски работи, Михаил Рот, коментирајќи го бугарското вето за одржувањето на првата меѓувладина конференција со Северна Македонија.

Европратеници повикаа ЕУ да започне преговори со С.Македонија

Поради бугарската блокада за Скопје во заложништво се наоѓа и Албанија за која голем број земји членки сметаат дека не може да биде усвоена преговарачката рамка, и поради неостварени реформи, и поради фактот што Северна Македонија е понапредна.

Рот потврди дека германското претседателство прави сѐ за да ја надмине блокадата.