Ќучук ќе презентира извештај за Македонија, поканет и Османи

Шефот на македонаката дипломатија, Бујар Османи, утре ќе се обрати пред европратениците во рамки на дебатата за резолуцијата на Европскиот парламентот за Северна Македонија, јави МИА од Брисел. Османи за утре попладне е поканет за размени мислења со европратениците членови на комисијата за надворешни работи, кога известувачот за Северна Македонија, Илхан Ќучук ќе го презентира својот извештај за напредокот на земјата.

Берлин разочаран, а за Скопје бугарското вето за ЕУ е геостратегиска грешка

Европратениците имаат уште неколку дена да поднесат амандмани за овој извештај, а утре ќе имаат можност да му постават прашања на шефот на македонската дипломатија, два дена по ветото на Бугарија за почеток на преговорите на ЕУ со Северна Македонија, за кое Софија се повикува на непочитување на Договорот за добрососедство од македонска страна и за нерасчистени билатерални прашања.

Олбрајт: Трагедија е што Бугарите истакнаа такви барања за Северна Македонија

Се очекува пратениците да се интересираат за добрососедските односи, домашните реформи и надворешната политика на Северна Македонија. Нацрт резолуцијата на Ќучук ги поздравува напорите за интеграција на ЕУ на државата, ги охрабрува властите да вложат дополнителни напори во борбата против корупцијата, владеењето на правото, и го поздравува политичкиот дијалог помеѓу власта и опозицијата, јави МИА.