Ковид биланс во регионот -Турција со 240 починати во еден ден

Турција денеска го регистрира досега најцрниот ден од почетокот на пандемијата со ковид-19, откако во претходните 24 часа од заразната болест умреа 240 лица. Во Турција досега како последица на ковид-19 починаа 17.121 лица, соопшти Министерството за здравство.

Во земјата денеска има 29.718 новозаразени лица, во кои се вклучени и асимптоматските случаи. До 25 ноември во оваа земја се даваа само бројките на симптоматски случаи, но оттогаш во борењето се вклучија и асимптоматските случаи Досега во оваа земја со коронавирусот се заразени 1.928 милиони лица, соопшти Министерството за здравство.

Во Албанија, пак, во последното деноноќие има 637 новозаразени и 12 починати, меѓу нив 29-годишно момче, што е трета жртва на возраст од 23 до 29-годишна возраст. Тирана и понатаму останува главно жариште на болеста.

Во Грција се регистрирани 1.190 нови случаи и 85 починати од ковид-19. Министерот за здравство на Грција Василис Кикиљас рече дека постојат одредени региони со лоша епидемиолошка слика.

Нови 865 случаи на ковид-19 и 25 починати

Нови петмина починати и 296 заболени од ковид-19 се регистрирани во Косово во последните 24 часа. Според последните официјални статистики, досега од појавата на епидемијата, во Косово вирусот е откриен кај вкупно 47.499 лица, од кои починале 1.225 заразени.