Åtte døde i mogleg utbrot av Marburgvirus i Tanzania

I Tanzania er åtte personar døde i eit mogleg utbrot av Marburgvirus. Det melder verdas helseorganisasjon WHO.

– Vi veit om ni tilfelle så langt, og åtte av dei er døde. Vi forventar fleire tilfelle dei neste dagane sidan sjukdomsovervakinga blir betre, seier WHO-sjef Tedros Adhanom Ghebreyesus, ifølgje AFP.

Marburgvirus er ein alvorleg og ofte dødeleg blødingssjukdom, ifølgje snl.no. Viruset er i same familie som ebolavirus.