153,5 millionar til eigarar av freda bygg i Noreg

Riksantikvaren deler i 2025 ut 153,5 millionar kroner i tilskot til freda bygningar og kulturmiljø i privat eige til fylka og Sametinget.

Det melder Riksantikvaren i ei pressemelding.

I alt vart det teke imot søknader på til saman 325,9 millionar kroner.

Innlandet er fylket som er tildelt mest i tilskot med litt over 30 millionar. Fylket har også flest freda bygningar, ifølgje Riksantikvaren.

Finnmark og Troms er fylka som er tildelte minst i tilskot, med høvesvis om lag 1,3 og 1,8 millionar kroner.

Fleire søknader, og tre frå Den Gamle Krigsskole i Oslo, er framleis under behandling.

Ordninga har til formål å bevara freda kulturminne og kulturmiljø i privat eige.