19-åring køyrde 159 km/t i 80-sone
0
Ein 19 år gammal mann vart stoppa av Utrykkingspolitiet (UP) torsdag ettermiddag etter at farten hans vart målt til 159 km/t.
Fartskontrollen i Bergen skjedde på riksveg 555 mellom Lyderhorntunnelen og Damsgårdstunnelen i retning sentrum.
– Dette er versting-atferd. Mannen må rekne med fengselsstraff, seier Eivind Hellesund i UP til BT.
Han legg til at råkøyringa skjedde få timar før ei markering i Bergen sentrum for omkomne i trafikken.
– Det er snakk om det doble av fartsgrensa. Marginane blir veldig små og konsekvensane veldig store viss det går galt.
Politiet tok førarkortet.