Bråtebrann kom ut av kontroll – «store område» svidd av
0
På Helleland i Eigersund kom ein bråtebrann ut av kontroll ved 18-tida sundag.
– Dei som var ansvarlege, ringde oss for å få hjelp til å få kontroll, seier Tor Kåre Steinskog, vaktleiar ved 110 -sentralen Sør-Vest.
Brannvesenet var på staden så lenge som til 02.30-tida natt til måndag. Steinskog seier det er «store område» som er svidd av, men at det var så mørkt at det ikkje hadde nokon hensikt å bli verande i natt.
– Vurderinga som blei tatt da vi drog frå staden, var at det såg greitt ut. Det var mørkt og bratt, så det var ikkje noko å aksjonere på da. Vi tar ei ny vurdering i morgontimane når det er lyst, seier han.
Det er frost og snø på staden brannen starta, ifølge 110-sentralen.