Forlik mellom politiet og gravemaskinfirma

Politiet betalar likevel utgifter til psykologtimar og debrief for ein gravemaskinførar som gravde opp eit lik.

Partane har inngått eit forlik og deler rekninga på 80 000 kroner.

Leiaren for firmaet som gjorde jobben hevdar dei ikkje fekk beskjed på førehand om kva som venta.

Politiet nekta først å betale, men visepolitimeister Ingmar Farstad seier dei inngår forlik for å få saka ut av verda.

Han seier politiet endrar rutinar for å sikre at det blir dokumentert kva type oppdrag dei leiger folk inn til.

Leiaren i firmaet seier det er viktig at ei statleg bedrift som skal vise andre korleis dei skal oppføre seg, bør gå føre som eit godt døme.