Kina si militærøving kan råke over 100.000 reisande

Det er venta at om lag 950 flyavgangar blir råka som følge av Kina si militærøving i luftrommet rundt Taiwan tysdag, melder NTB.

Det kan skape utfordringar for over 100.000 reisande. Det er 857 internasjonale flygingar som blir påverka, og 84 innlandsflygingar er innstilt, opplyser Taiwans luftfartsmyndigheiter (CAA) skriv NTB.

Måndag morgon byrja Kina militærøvingar i farvatnet og luftrommet rundt Taiwan. Taiwan fordømmer handlinga.