Tiltalt for svindel mot kvinne i Romsdal – dømt i Danmark

Ei dansk kvinne i 50-åra, som er tiltalt for å ha svindla ei kvinne frå Romsdal frå millionar, er dømt i ei anna sak i Danmark. Det melder Romsdals Budstikke.

Kvinna skal etter planen møte i Nordmøre og Romsdal tingrett neste veke. Ho er tiltalt for å ha svindla Romsdals-kvinna for 3,5 millionar og for å ha lurt ho med til Tyrkia.

Ifølge Romsdals Budstikke er kvinna no dømt til fengsel i fire år og seks månader. Ho skal ha vore med på svindel og svindelforsøk i Danmark som svarer til totalt 73 millionar norske kroner.