Piratsjåfør sikta for seksualovergrep

Ein mann i 30-åra blir i ettermiddag framstilt for fengsling i Hordaland tingrett. Bakgrunnen er eit seksualovergrep som skal ha skjedde fredag kveld på Laksevåg.

Etter det NRK kjenner til, er mannen utanlandsk statsborgar og skal ha køyrt pirattaxi.

Mannen vart pågripen søndag og har gjeve forklaring.

Den fornærma i saka er ei kvinne i 20-åra.

– Det var eit vitne som varsla politiet om hendinga. Det skal ha skjedd i ein bil, seier politiadvokat Eli Valheim.

Mannen sin forsvarar, Erik Ulvesæter, har førebels ingen kommentar til saka.