Sør-Korea vil vurdere Trump-oppmoding om krigsskip til Hormuzsundet

Sør-Korea seier dei vil vurdere ei oppmoding frå USAs president Donald Trump om å sende krigsskip til Hormuzsundet, melder nyheitsbyrået Reuters.

Trump har bedt allierte sende skip for å sikre trafikken gjennom sundet.

Seoul opplyser at dei vil ha tett dialog med USA før dei tar ei avgjerd.

Sundet ligg mellom Iran og Oman og er ein av dei viktigaste sjøvegane for transport av olje i verda. Fleire av verdas største oljeeksportørar, som Kuwait og Qatar, sender olje gjennom sundet.

Dei siste vekene har fleire skip blitt angripne i og rundt Hormuzsundet.

Iran har trua med å angripe skip i området etter dei amerikanske og israelske angrepa mot landet.