Dommar krev at Voice of America blir gjenopna

Den føderale dommaren Royce C. Lamberth krev at Trump-administrasjonen gjenopnar radiostasjonen Voice of America, melder New York Times.

Han seier nedstenginga for eitt år sidan var ulovleg, og at dei over 1000 tilsette som har vore permitterte, skal kunne møte på jobb igjen i løpet av ei veke.

Lamberth peika på at Kongressen hadde løyvd over 600 millionar dollar til drift, og at Trump-administrasjonen ikkje kan kutte i dette.

Voice of America blei grunnlagt i 1942 for å motverke nazistisk propaganda.

Dei sende på 48 språk og nådde over 360 millionar menneske i land som Iran, Kina og Russland.